🌿 قبل ما تبدأي تخليل الزيتون السنة دي… استني دقيقة! 👀💚 في شوية تفاصيل صغيرة جدًا هي اللي بتفرق بين زيتون مخلل مقرمش وطعمه مظبوط ويقعد معاكي، وبين زيتون يمرر أو يطرى أو يبوظ منك. وعشان كده جمعتلك أهم التكات والأسرار اللي تخلّي الزيتون البيتي يطلع معاكي مظبوط من أول مرة وعلى أصوله 👌✨ تعالي نشوف مع بعض إيه اللي نعمله وإيه اللي نبعد عنه 👇 1️⃣ التفتيح ثم التفتيح ثم التفتيح! 🔪
ضروري جداً تشقي الزيتونة قبل أي حاجة.. ليه؟ علشان نساعد في التخلص من المرارة اللي جواها. الحل البيتي: شقي الزيتونة، وانقعيها في المية، وغيري المية عليها ٣ مرات في اليوم لمدة يومين او يوم بس لو خايفه يسود منك بس لمجرد مابينزل في محلول التخليل لونه بيرجع طبيعي
وومكن تنقعيه في ملح بس ربع كوب ملح ل ٢ كيلو
بدون اضافه مايه نهائي 2️⃣ الإضافات الحامضة.. بلاش خل أرجوكم! 🍋
بلاش خل ثم بلاش خل! فاكرة تجربة البيضة النية لما نحطها في خل وتلاقي القشرة بقيت رخوة؟ الخل مادة قوية بتطري الأنسجة، ولو ضفتيه للزيتون ممكن يأثر على قوامه مع الوقت. البديل الصح: اعصري ليمون صافي! 🍋
وبلاش تعصري الليمونة بقشرها علشان القشر ممكن يدي طعم مُر. 3️⃣ سر الملح المظبوط 🧂 الملح ملوش دعوة بكمية الزيتون.. الملح له علاقة بكمية المية! لكل ١ لتر مية: بنحتاج نص كوباية ملح (يعني من ٦ لـ ٧ معالق كبار).
ولو هتعملي ٢ لتر مية: يبقى من ١٢لـ ١٤ معلقة ملح. 4️⃣ أنتِ عاوزة الزيتون يستوي إمتى؟ 🤔 لو عاوزاه يستوي بدري وتأكليه بسرعة: هاتي النوع التفاحي الكبير، ده بياخد وقت أقل. ولو عاوزاه يفضل مظبوط ويقعد معاكي فترة طويلة من غير ما يتهري: هاتي النوع العزيزي أو العجيزي/العقص، واضبطي الملح كويس. ده بياخد من ٣ لـ ٤ شهور تقريبًا، ولو فتحتي عليه هيقعد معاكي فترة طويلة متماسك وزي الفل.
💡 نصيحة على الماشي:
بلاش نفضل نفتح في البرطمان الكبير كل شوية.. عبي كمية صغيرة للاستخدام اليومي وسيبي باقي البرطمانات مقفولة. 5️⃣ الحرارة.. المظلوم الأكبر! 🌡️ الحرارة العالية ممكن تأثر على جودة الزيتون وقوامه، فالأفضل تحفظي البرطمانات في مكان مناسب بعيد عن الشمس والحرارة. المقادير:
كيلو زيتون تفاحي
ربع كيلو فلفل حار وبارد
ربع كيلو جزر مبشور
٢ ملعقة صغيرة حبة البركه
لتر ماء مغلي ومبرد
٧ ملاعق كبيرة ملح
ملعقة صغيرة سكر
ربع كوباية عصير ليمون
اقل من ربع كوب زيت
❤️ امشي على الخطوات دي واهتمي بالتفاصيل الصغيرة، وهتفرقي جدًا في النتيجة. قولولي بقى 👇
بتحبوا الزيتون التفاحي ولا العزيزي؟ 💚
ومين بدأ يخلل السنة دي؟
🧡 لو الوصفة عجبتكم
صلّوا على النبي ﷺ في التعليقات علشان تاخدوا أجر وأنا كمان 🤍
ومتنسوش تعملوا لايك وشير علشان يوصل لكم كل جديد 🔔
واكتبولي عايزين وصفة إيه الجاية 😍✨